Agjencia e Mbrojtjes së Konsumatorit, institucion në varësi të Bashkisë së Tiranës, shpall
procedurën e konkurimit për vendin e lirë të punës për pozicionin:
-1 (një) vend i lirë pune, Drejtor Drejtorie, Drejtoria e Kontrollit të Shërbimeve ndaj Konsumatorit, (Kategoria II-b);
-Disa nga detyrat që duhet të kryejë drejtori i drejtorisë së kontrollit dhe shërbimeve ndaj konsumatorit janë:
- Propozimi dhe organizimi i programeve të punës apo aktiviteteve të ndryshme, që kanë të bëjnë me informimin, sensibilizimin dhe këshillimin e konsumatorëve në lidhje me të drejtat që ata kanë dhe e paraqet këtë propozim për miratim tek Drejtori i Përgjithshëm i agjencisë.
- Bashkërendimi i punës me Drejtorinë e Marrëdhënieve me Publikun dhe Mediat, si dhe me strukturat e tjera të agjencisë, nga të cilat i vihen në dispozicon kërkesat apo ankesat e dërguara për agjencinë në faqen zyrtare web dhe rrjetet sociale që ka në dispozicion.
- Mbrojtja dhe realizimi i të drejtave të konsumatorit, nëpërmjet sektorëve të varësisë, me mjetet që i garanton legjislacioni në fuqi, duke përfshirë por duke mos u kufizuar vetëm në: mbrojtjen e shëndetit, mjedisit dhe sigurisë së jetës, interesave ekonomikë, të drejtës së ankimit, të drejtës për dëmshpërblim, të drejtës së edukimit, të drejtës së marrjes së informacionit, të drejtës së përdorimit të shërbimeve publike dhe të drejtës e mbrojtjes ligjore.
- Realizimi dhe ndërmjetësimi për rastet e parashikuara në legjislacionin në fuqi, në funksion të zgjidhjes së mosmarrëveshjes mes palëve, brenda fushës së kompetencave dhe tipologjisë së mosmarrëveshjeve që mbulon dhe në rast të moszgjidhjes, bën referimin në strukturat përkatëse të pushtetit qëndror për marrjen e masave të mëtejshme institucionale.
- Merr pjesë, si një ndër aktorët prezentë në fushatat publicitare e promovuese, të organizuara nga agjencia, në veprimtari të ndryshme të përbashkëta me organizma të tjerë qendrore, vendore, apo organizata që operojnë në fushën e mbrojtjes së konsumatorit.
- Drejton dhe bashkërendon punën për organizimin e aktiviteteve dhe projekteve në funksion të misionit të Agjencisë së Mbrojtjes së Konsumatorit.
Dokumentat që aplikanti si Drejtor Drejtorie duhet të paraqesë janë si më poshtë:
- CV;
- Kopje ID;
- Diplomë Master Shkencor ose Diplomë e Nivelit të Dytë, dhe listë notash të noterizuara;
Afati për dërgimin e CV-ve, Diplomës dhe ID, të skanuar në adresën elektronike [email protected] dhe/ ose me postë në adresën: rruga ‘‘Murat Toptani”, 1001, ndërtesa 12, kati 2, Tiranë, është deri me datë 22.01.2025, ora 16:00.